الليل موحِشٌ بدونكِ😔
يصبح ليلي نهاراً عندما اقضي تلك الساعات التي اراها ثوانِ قليلة معكِ، اقضي فيها وقتي بالضحك والنقاش وتمضي الساعة تلو الأخرى وكانها تركب قطاراً مسرعةً لا تعرف الانتظار ⏱
رح اكتبلك بالعامية عشان اعوض شوي عن غيابك واحس اني قاعد بحكي معك وجهاً لوجه 🙁هذي الليلة مملة جداً بدونك، النوم طار وحاس بالوحدة، وجودك معي بعطيني سعادة ما بتنوصف بالكلمات، بمجرد انك تكوني صاحية بكون حاس انك جنبي وصاحية معي حتى لو ما حكينا ولا حرف 🙄
الساعة الآن 1:43 ص، الأحد 11/6/2023، اليوم كنتي زعلانة مني لاني ما سألت عنك واعتبرتي اني مش مهتم، مع ان صورتك ما بتروح من بالي وعقلي ما بفكر الا فيكي😘 بتمنى ما اكون ممل او كلامي مكرر لكن مهما حكيتلك اني بشتاقلك وبعشقك وبحبك ما بوفيكي حقِك 💙❤️
مع ان بعدك عني بتعب، لكن بحسسني بقيمة وجودك جنبي واهميتك بحياتي، انا بدونك حاس بالوحدة الموحشة، قبل بيوم كانت نفسيتي تعبانة ونكدي بفوق اي نكد ثاني، ما تحملت احكي مع اي حد، انتي الوحيدة اللي قدرتي تخليني اطلع من حزني واكتئابي وتحوليه لسعادة وضحك 😏 انتي رائعة وحبك بكبر كل يوم في قلبي .. ضلك بخير دايماً ويا رب تشوفي احلام سعيدة 😍